منتدي درة التوحيد
اهلا بك زائرنا يسعدنا تسجيلك معنا فلا تحرمنا تلك السعادة
منتدي درة التوحيد

للنساء فقط
 
الرئيسيةالتسجيلدخول

بحـث
 
 

نتائج البحث
 
Rechercher بحث متقدم
المواضيع الأخيرة
» الفصل الاول من قصة على مبارك للصف السادس الابتدائى
الأربعاء مايو 14, 2014 5:41 pm من طرف أم عائشه وحفصة

»  اكسسوارات لاب توب رووووووعة
الخميس أبريل 17, 2014 10:59 am من طرف عبيرورد

» شرح تفعيل انترنت داونلود مانجر Internet Download Manager بدون كراك او باتش
الخميس فبراير 20, 2014 12:21 pm من طرف القلب الحنون

» حملة أيقظني فجراً إلى من ينام عن صلاة الفجر
الثلاثاء فبراير 18, 2014 4:05 pm من طرف القلب الحنون

» اولى حلقات برنامج تعشب شاى
الثلاثاء فبراير 11, 2014 6:05 am من طرف خديجه

»  مصحف الصحابة في القراءات العشر المتواترة من طريق الشاطبية والدرة (ملون)
الثلاثاء يناير 28, 2014 2:08 pm من طرف memo

»  ما هي الأطعمة التي تزيد حليب الأم؟
الجمعة يناير 24, 2014 2:37 pm من طرف عبيرورد

» مكياج عيون للسهرت
الجمعة يناير 24, 2014 12:16 pm من طرف عبيرورد

»  قصة اختراع أكياس الشاي
الجمعة يناير 24, 2014 12:07 pm من طرف اسلامي حياتي

» مكونات كريمات العناية بالبشره
الجمعة يناير 24, 2014 12:04 pm من طرف القلب الحنون


شاطر | 
 

 هتخسي من غير ما تحسي...بدون رجيم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ragwa

avatar

عدد المساهمات : 513
عدد مشاركات العضوة : 971
السٌّمعَة : 0
تاريخ التسجيل : 18/05/2010

مُساهمةموضوع: هتخسي من غير ما تحسي...بدون رجيم    الأحد أغسطس 15, 2010 7:51 pm


هتخسي من غير ما تحسي...بدون رجيم

تعبتي من الرجيمات و الحميات ؟؟؟



كل شوية تخسي كام كيلو و بعد شوية تزديهم تااااااااانى؟؟؟




زهقتي خلاص؟؟؟




هنا بقى هتخسي من غير ما تحسي؟؟؟؟




مش مصدقانى؟؟؟؟؟




طب تعــــــــــــالى نشوف....



لما تخرجي للشارع وانتى حاطة برفان .... كل واحد هيشم ريحته ذنووووووب ذنووووووب عمالة تتحط عليكي ... و بدل ما حسناتك تزيد عمالة بتخسي .... و بتفقدي .... وكل ده من غيـــــــــر ما تحسي..




مش خــــــــايفة!!!!


لما تخرجي للشارع وانتى لابسة هدوم آآآخر شياكة و ألوان آآآآآخر زهزهة : ) ألوان فاقعة و عاملة كونتراست جنان إيشي أصفر على فوشيا ....و الموضة السنة دى الكروهات ....كل مربع لون : )




وتخرجي فتلفتي نظر شاب مسكين كان ماشي في حاله وخارج من بيته وهو ناوي يغض بصره ...ولا حتى تلفتي نظر واحد كان خارج ناوى يبص ....




ذنووووووب ذنووووووب عمالة تتحط عليكي ... و بدل ما حسناتك تزيد عمالة بتخسي .... و بتفقدي .... وكل ده من غيـــــــــر ما تحسي..





مش خــــــــايفة!!!!


لما تخرجي الشارع و انتى لابسة بنطلون مبين مفاتنك حتى لو كنتى رفعية فهو لازم لازم مدام اسمه بنطلون هيبين مفاتنك......و كمان لابسة بادي ....أو لابسة معصم ضيق لحد الكوعين : ) و مجسمة حجم إيديكي....



فتلاقي واحد لزقت عينه فيكي ومش عايزة تنزل : ) .....هو عمال ياخد ذنووووب ....و انتى العداد شغال!!!



ذنووووووب ذنووووووب عمالة تتحط عليكي ... و بدل ما حسناتك تزيد عمالة بتخسي .... و بتفقدي .... وكل ده من غيـــــــــر ما تحسي..





مش خــــــــايفة!!!!


والمصيبة الكبيرة لو كنتى سبب في إنه يتسخط على ربنا و يكره حياته بسبب إنه مش لاقي يتجوز و لكنه بيحاول ينسى الموضوع ...لكن لما يشوفك بالمنظر ده ...للأسف يتسخط على قدر الله و يتمنى إنه يموت ولا إنه يتعذب بالشكل ده كل يوم!!!


ذنووووووب ذنووووووب عمالة تتحط عليكي ... و بدل ما حسناتك تزيد عمالة بتخسي .... و بتفقدي .... وكل ده من غيـــــــــر ما تحسي..




مش خــــــــايفة!!!!




لما انتى وصاحبتك راكبين مواصلة و الوقت طوّل وعمالين نرغي على البت زيزي اللى تخنت اوووى اليومين دول و البت سمسم اللى خطيبها سابها عشان عايزة تدبسه في الستاير بس هي أصلا ماكنتش عجباه عشان كدة كان بيتلكك!!!





عمالة تغتابي الناس و تجيبي في سيرة فلانة وعلانة و كمان تنقلي كلام و توقعي ما بين الناس من غير ما تحسي...


ذنووووووب ذنووووووب عمالة تتحط عليكي ... و بدل ما حسناتك تزيد عمالة بتخسي .... و بتفقدي .... وكل ده من غيـــــــــر ما تحسي..





مش خــــــــايفة!!!!





لما تخرجي وانتى حاطة شوية ميك أب خفيف ....شوية كحل على زبدة كاكاو حمرا....شوية روجاجو ...على شوية بنكيك خفيف اوووى عشان ما تبانش بشرتي باهتة بس...





طب افهم بس انتى متزينة لمييييييييين؟؟؟




مين ده اللى هيبصلك و خايفة اوووى كدة على مشاعره انه لازم يشوفك حلوة!!!!! و مش واخدة بالك من نظر ربنا لكي!!!!



خلاص بصلك الشباب زى ما كنتى عايزة ... وانتى العداد شغااااااال!!!


ذنووووووب ذنووووووب عمالة تتحط عليكي ... و بدل ما حسناتك تزيد عمالة بتخسي .... و بتفقدي .... وكل ده من غيـــــــــر ما تحسي..





مش خــــــــايفة!!!!



وعلى فكرة بقى الشباب نفسهم بيقولوا لبعض إن اللى بتحط أي حاجة في وشها ولا أى أدني مكياج دى واحدة هى عايزة تتعاكس.... وحلال فيها المعاكسة!!!!!!!! شوفتى اللى عايزة ترضيهم بيقولوا عليكي إيه؟؟؟؟؟


تعالى نشوف الجنب التــــــــاني...




واحدة خارجة من بيتها قبل ما تخرج بصيت على المرايا شافت كل حاجة تمام حجابي تمام مافيش شعرة باينة .... مافيش حاجة مبينة مفاتني....ألوان هادية غامقة متناسقة مافيش لونين على بعض...




تلف يمين وشمال....تمااااام مافيش حاجة مجسمة جسمي....كله واسع و فضفاض...



تخرج تمشي في الشارع على جنب بعيد عن وسط الطريق .....عمالة تسبح و تستغفر....تقول لحد اول التقاطع الجاى إستغفار ...و الشارع الجاى تكبير.....و أول ما أركب العربية هنشتغل تسبيح....




تفكر صاحبتها اللى راكبة معاها بأذكار ركوب الدابة :


(سُبْحانَ الَّذِي سَخَّرَلَنَا هَذَا وَمَا كُنَّا لَهُ مُقْرِنِينَ *


وَإِنَّا إِلَى رَبِّنَا لَمُنقَلِبُونَ)





الحمد لله 3 مرات


والله أكبر 3 مرات




سبحانك اللهم إنى ظلمت نفسى فاغفر لى إنه لا يغفر الذنوب إلا أنت




بدل ما يجيبوا سيرة فلانة و علانة ينافسوا بعض مين هتقول الكلمتان الحبيبتان للرحمن أكتر من التانية ( سبحان الله و بحمده...سبحان الله العظيم) ...


او تطلع مصحف الجيب الصغير اللى مش بيفارق شنطتها و تقرأ في سرها ربع أو أتنين....


اللى بتعمل كدة ليه هى خايفة على ميزانها و أنتى مش خايفة؟؟؟؟


قال الله تعالى :


(وَالْوَزْنُ يَوْمَئِذٍ الْحَقُّ ۚ فَمَن ثَقُلَتْ مَوَازِينُهُ فَأُولَـٰئِكَ هُمُ الْمُفْلِحُونَ * وَمَنْ خَفَّتْ مَوَازِينُهُ فَأُولَـٰئِكَ الَّذِينَ خَسِرُوا أَنفُسَهُم بِمَا كَانُوا بِآيَاتِنَا يَظْلِمُونَ )
(الأعراف : 8-9).




و قال تعالى :


(فَمَن ثَقُلَتْ مَوَازِينُهُ فَأُولَـٰئِكَ هُمُ الْمُفْلِحُونَ * وَمَنْ خَفَّتْ مَوَازِينُهُ فَأُولَـٰئِكَ الَّذِينَ خَسِرُوا أَنفُسَهُمْ فِي جَهَنَّمَ خَالِدُونَ )


(المؤمنون : 102 – 103).


أوعي تخسي من غير ما تحسي!!!
منقول :
http://www.hor3en.com/vb/showthread.php?t=73575
الرجوع الى أعلى الصفحة اذهب الى الأسفل
 
هتخسي من غير ما تحسي...بدون رجيم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي درة التوحيد :: درة العام-
انتقل الى: